Contacto
Escríbenos e responde unha persoa.
Non hai centraliña nin formulario que se perda nunha caixa. Detrás disto hai unha persoa que le o que escribes e contesta. O servizo está en desenvolvemento e non hai ningún concello co servizo en funcionamento: se queres ser o primeiro, diso falamos.
Que nos axuda saber
Se escribes desde un concello, con isto xa podemos dicirche se Vigilia vos serve: cantas persoas que viven soas tedes identificadas e como levades hoxe a conta de quen non contesta. Se escribes como familiar, cóntanos en que concello vive a persoa maior, porque Vigilia préstase a través do concello e non directamente ás familias.
O formulario
Non escribas na mensaxe datos da persoa maior. Nin o seu nome, nin o teléfono, nin o enderezo, nin o DNI, nin nada da súa saúde ou da súa situación. Esta é unha caixa de contacto comercial, non a canle para datos de persoas atendidas. Se cómpre falar de casos concretos, faise despois e polo camiño que corresponda.
Que facemos co teu correo
A letra pequena, que aquí é curta
- Quen é o responsable. Darío Sánchez Lago, Curtis (A Coruña), hola@dariosanchezlago.com.
- Para que se usa. Para ler a túa mensaxe e contestarte. Para nada máis: non hai boletín, non hai publicidade e non te metemos en ningunha lista.
- En que nos amparamos. No noso interese lexítimo en atender unha consulta que inicias ti. Non che pedimos que marques ningunha caixa de aceptación, porque para responder a unha pregunta túa non fai falta o teu consentimento.
- A quen se lle dá. A ninguén. O formulario é un envío nativo do navegador a unha función aloxada en Vercel, que usa a túa dirección IP durante dez minutos como freno fronte a envíos automáticos; a mensaxe chega despois ao noso correo a través de Resend, que é quen fai a entrega, e aí queda. Non se garda en ningunha base de datos.
- Canto se garda. O tempo que dure a conversa e, despois, ata un ano no correo, por se volves escribir. Logo bórrase.
- Que podes pedir. Acceso, rectificación, supresión, oposición ou limitación, escribindo a ese mesmo correo. Tamén podes reclamar ante a Axencia Española de Protección de Datos.
Se non che gustan os formularios
Escribe directamente a hola@dariosanchezlago.com. Chega ao mesmo sitio e lese igual. Nesta páxina non damos un teléfono comercial, porque hoxe non hai ninguén atendendo unha liña e preferimos non dar un número que soe no baleiro: aquí contéstase por escrito. O teléfono do titular, a efectos legais e para exercer os dereitos de protección de datos, está no aviso legal.